လူညံ့လိုအင်

လူညံ့လိုအင်

အဆင်လဲပြေ
အချိန်လေးနဲနဲရမယ်ဆိုရင်
အစေ့မပါတဲ့ လိမ္မော်သီး
အမျှင်စင်အောင် အခွံနွာ
ကြင်နာစွာ တမွှာခြင်း
အမေကို ခွန့်ကျွေးချင်တယ်။

အဆင်လဲပြေ
အချိန်လေးနဲနဲ ရမယ်ဆိုရင်
အဖေ မတွေဖူးသေးတဲ့
သမီးလေးကိုချီပိုးရင်း
သမီးပျောက်သွားတဲ့
အဖေတယောက်ရဲ့ ပုံပြင်ကို ပြောပြချင်သေးတယ်။

အဆင်လဲပြေ
အချိန်လေးနဲနဲ ရမယ်ဆိုရင်
ထောက်လာတဲ့ ဇရာအတွက်
ပါဝါ မျက်မှန်တလက်
ငါလုပ်ချင်သေးတယ်။

အဆင်လဲပြေ
အချိန်လေးနဲနဲ ရမယ်ဆိုရင်
ကျီးပေါင်းတက်နေတဲ့ ခါး
လေဆာနဲ့ 
အပ်သွားစိုက်ချင်တယ်။

အဆင်လဲပြေ
အချိန်လေးနဲနဲ ရမယ်ဆိုရင်
ပျောက်ဆုံးသွားသော
နိဗ္ဗာန်သားများအတွက်
တံတားနီ ကန်ဘောင်ရိုးရဲ့
အတိတ်ရဲ့ မြက်ခင်းမှာ
စိမ်းလဲ့ည အလင်းနဲ့ 
ခရမ်းပြာ သီချင်းလေး
ငါညည်းခြင်သေးတယ်။

ဟုတ်ကဲ့ ..အဆင်လဲပြေ .. အချိန်လေးနဲနဲပါ

တာရာမင်းခိုက်

ကျိန်စာသင့်ရာသီ

ကျိန်စာသင့်ရာသီ

မော်ခဲရေ ငါတို.ဟာ
ကျိန်စာသင့် လူမျိုးတွေပါကွယ်။

ခြောက်သွေ့ပြီ ဆိုတာနဲ့
မိစ္ဆာရာသီဟာ
ငါတို့အတွက် စပြီ။

ညီမလေးက ရှိုက်ကြီးတငင် ပြောရှာတယ်
နင်ဘယ်လောက်
အမိုးကို ချစ်တဲ့အကြောင်းတွေ။

မီးလောင်မြေ တစပြင်နဲ.
ပုပ်စော်နံ တောအုပ်ထဲမှာ
အမိုးနဲ. နင်ဟာ
ယင် နားနေတဲ့အရိုးတွေရယ်
ရိရွဲ အရောင်လွင့်
စုပ်ပြဲနေတဲ့ အင်္ဂျာီစရယ်
ဦးခေါင်းခွံနဲ့ အံသွားတွေဘဲ
ငါတို့အတွက်
ထားရစ်ခဲ့တယ်။

အနံတွေ ရတယ်
ဟုတ်တယ်
အနံတွေ ရနေတယ်
ငါ့တကိုယ်လုံး
နင်တို့အနံတွေဖုံးလို.ပေါ့
we are the one လား
သွားစမ်းပါ
အဆီပြန်နေတဲ့
ဝက်ပါးစပ်က အသံတွေ။

ကဲ ပြော
ခပ်ကျဉ်းကျဉ်းနဲ.
မဲမှောင် စုပ်ပြတ်တဲ့
ဘ၀တွေမှာ
လင်းလက် ငြိမ်းချမ်းဖို့အတွက်
နောက်ထပ်
အသက်ဘယ်နှစ်ချောင်းပေးရမလဲ။

သွေးသံ ရဲရဲနဲ့
အနိဋ္ဌာန်ရုံ များများကို
ဂရုဏာ တရားဟာ
ဈေးနှိမ်ထားသတဲ့

မော်ခဲရေ
ဒီအချိန်ဆို
မကျေနပ် တောင်ထိပ်မှာ
မြူနှင်းတွေ ဆိုင်းနေရောပေါ့။
မိုးလွတ် လေလွတ် ဆိုပေမယ့်
ဒုက္ခရာသီရဲ့လက်
မလွတ်နိုင်တဲ့ ငါတို့အမျိုးတွေ
ဒေါနမြေမှာ
သောက ဝေနေတဲ့
ငါတို့ရဲ့အမိုးတွေ
နာကျင် ကြေကွဲစရာတွေက
အများကြီးပဲကွယ်။

ဇွဲကပင် တောင်ခြေနားမှာ
ငြိမ်းချမ်းရေး ပန်းတွေ
ဖွေးဖွေးလှုပ်တဲ့အခါ
ဖားစည်သံ မြည်ဟီးထ
လရောင်နဲ့ဒုံးယိမ်းက
အောင်ပွဲည အခါသမယမှာ
အမိုးနဲ့နင့်လိပ်ပြာ
ငါ့လက်မှာ ချည်ပတ်လိုက်မှာပါ

အခုတော့မော်ခဲရေ
ငါတို့ဟာ
ကျိန်စာသင့်လူမျိုးတွေပါကွယ် ။

(တာရာမင်းခိုက်) ၂၀၀၆ခုနှစ် ဒီဇင်လာလ ၂၃

မှန်စပေါ်က မြစ်တစင်း

မှန်စပေါ်က မြစ်တစင်း

စိတ်ကိုအေးအေးထား
မာယာကိုများများသုံး
ဒီလောက်နေလှောင်မှတော့
အဆီပြန်နေလောက်ရောပေါ့
ရော့~~
တို့ ပတ်လေးတို့ လိုက်မြစ်ရေ......
ဖြစ်ပုံက
မြစ်ကိုယ်တိုင်ရေရောခံနေရတာလေ.....

သိပ်စစ်တဲ့လူကိုတွေ့ ဖို့ 
စိတ်သစ်နဲ့ မှန်ကိုကြည့်ပါ
စိတ်ညစ်ရင်ထုဖို့့
တူတလက်လဲ ပါပစေ..
ပြီးရင်
သိပ်ချစ်တယ်ပြောရင်း
မှန်ကိုပြုံးပြလိုက်ပါကွယ်........

တာရာမင်းခိုက်

မေတ္တာပေးလှည့်

နော်ခိုင်မာကျော်ဇောရဲ့ နယ်စပ်လမ်းကပန်းကလေးများ ကို နှလုံးသားဖြင့်  ၀တ်မှုံ ကူး ၍ ရေးဖွဲ့ သီဆိုပါတယ်